Transcription
1
Monsieur, je vous ay escrit ces jours passez. Je n’ay depuis apris aultre chose,
2
sinon que hier passa par icy ung ambassadeur des Venitiens qui sen va
3
vers le roy d’Espagne, duquel nous n’avons apris aultres nouvelles, sinon
4
que larmée des Venitiens a levé le siège de devant Castelnovo et
5
quelle est maintenant à Courfou. Ilz n’ont faictz aulcune perte
6
à la levée dudit siège. Et quant au seigneur Don Johan d’Austria,
7
il est à Messine avec touttes ses forces, irresolu pour encores
8
quel dessein il prendra. Lon craint bien que les troubles de Flandres
9
n’empêchent beaucoup de bonnes et sainctes entreprises qu’on avoit
10
deliberées. Je prie Dieu quil y veuille mettre la main, et y donner
11
le remède quil connoit y estre necessaire. Sur ce, je me recommande
12
bien humblement à votre bonne grâce et prie Notre Seigneur quil
13
vous veuille donner
14
Monsieur, en très bonne santé, longue et très heureuse vie. D’Ambrun, le
15
XIXme de jullet 1572
16
Votre très humble allié et serviteur
17
G. davanson A. dambrun
18
Je vous suplie monsieur
19
que madame de Gordes
20
voye icy mes humbles recommandations
21
à sa bone grâce.